Umhverfis- heilsu- og öryggismál snerta ávallt hjarta starfseminnar.

Vegna eðlis starfsemi Olíudreifingar ehf eru umhverfis- og öryggismál samofin öllum þáttum starfsemi félagsins. Hvort heldur það er meðhöndlun, geymsla eða flutningar á eldsneyti, viðhald og nýbyggingar á birgðastöðvum, bensínstöðvum eða á starfsstöðvum hjá viðskiptavinum móðurfélaga okkar.  Einnig er fylgt ströngum reglum um rekstur og viðhald á skiptastóli félagsins.

Félagið hefur byggt upp lýsingar á þeim verkferlum sem mikilvægastir eru í því að tryggja öryggi og geta valdið hvað mestu tjóni. Þar er að sjálfsögðu lögð mest áhersla á verndun lífs, lima og heilsu en þar skammt á eftir kemur virðingin fyrir umhverfinu, enda er náttúran það sem við byggjum allt okkar á og komum til með að gera um ókomna framtíð. Það er því stefna Olíudreifingar að skilja ekki verr við umhverfið en við tökum við því hverju sinni. Verkferlarnir og lýsingarnar á þeim eru rýndir reglulega samkvæmt þeim stöðlum sem þeir eiga að uppfylla, þeir endurnýjaðir eða beiting þeirra skerpt eftir því sem ástæða þykir til hverju sinni.

Annar mikilvægur þáttur í starfseminni eru ábyrg og skilvirk viðbrögð við óhöppum hvers konar er upp kunna að koma. Olíudreifing ehf hefur komið sér upp viðbragðsáætlunum til að bregðast við þeim óhöppum sem hent geta í rekstrinum og fyrirsjáanleg eru.  Starfsmenn eru þjálfaðir í viðbrögðum við óhöppum samkvæmt  viðbragðsáætlun. Búnaður til að bregðast við óhöppum hefur verið keyptur og starfsmenn þjálfaðir í notkun hans.

Ef þú ert með spurningar, sendu þá tölvupóst á odr@odr.is