Árleg úttekt á starfsemi Olíudreifingar

Dagana 12–16. maí s.l. framkvæmdi úttektarmaður frá BSI árlega úttekt hjá Olíudreifingu vegna gæðastaðalsins ISO 9001, umhverfisstaðalsins ISO 14001 og öryggisstaðalsins OHSAS 18001, en sem kunnugt er var vottun á innleiðingu á þessum stöðum framkvæmd hjá Olíudreifingu um síðustu áramót. Það ríkti eftirvænting um að vita hver niðurstaða úttektarinnar yrði, því að þó að innleiðing staðlanna hafi gengið vel, er ekki sjálfgefið að takist að starfa eftir þeim svo ásættanlegt sé. 

Til að gera langa sögu stutta var útkoma úttektarinnar góð fyrir þar sem aðeins komu fram þrjár athugasemdir í skýrslunni sem ekki getur talist mikið en úttekt fór fram þegar full starfsemi var á öllum starfsstöðvum og gefur það okkur góða vísbendingu um að við séum að starfa eftir þeim öryggiskröfum og verklagi sem krafist er á fullnægjandi hátt.

Mikil vinna hefur Verið lögð í að koma upp og viðhalda þeim vinnuferlum sem staðlarnir kveða á um en á móti verður að hafa í huga að þeir eru ekki síst gerðir til að hindra slys og óhöpp og þar með að varðveita heilsu starfsmanna og verja umhverfið fyrir ágangi af mannavöldum. Í haust verður svo úttektum haldið áfram þegar nokkrir valdir staðir á landsbyggðinni verða heimsóttir.

Þann 8.apríl s.l. var gengið frá undirritun samnings á milli Varnaramálastofnunar Íslands og Olíudreifingar um útleigu á eldsneytisbirgðstöð NATO í Helguvík til 30 ára. Inn í leigusamningnum er einnig leiga á birgðastöðvunum Fuel East og Fuel West á Keflavíkurflugvelli ásamt afgreiðslulögn frá Helguvík uppá Keflavíkurflugvöll. Utanríkisráðuneytið fól Ríkiskaupum að auglýsa útboðið á evrópska efnahagssvæðinu og var skiladagur tilboða 14. september.  Birgðastöðin í Helguvík er stærsta birgðastöð hérlendis og rúmar um 116 milljón lítra eldsneytis.  

bsi-iso-9001

Eftir úttekt BSI, British Standard Institute, hefur öll starfsemi Olíudreifingar ehf nú fengið gæðavottun samkvæmt ISO 9001:2008 gæðastaðlinum.

Gæðastjórnunarkerfi dreifingarsviðs og aðalskrifstofu hafa verið vottuð síðustu þrjú árin, en í síðustu úttekt voru þjónustusvið, tæknisvið og sölusvið tekið með í gildissvið vottunarinnar og þar með allt fyrirtækið.

Þessa dagana standa yfir flutningar frá Kleppsmýrarvegi að Hólmaslóð 8-10. Samhliða því tökum við upp nýtt símkerfi sem við erum að læra á og biðjumst við velvirðingar ef það bitnar á þjónustunni.

Árni Jón starfsaldursviðurkenningÁ síðustu árshátíð Olíudreifingar var Árni Jón Baldursson heiðraður fyrir 50 ára starf fyrir Olíudreifingu og eigendur hennar.

Árni Jón hóf störf hjá BP í olíustöðinni í Laugarnesi í  maí 1960 þá aðeins 15 ára gamall og vann því fyrstu árin sem byssugutti á olíubílum sem voru að mestu í þvi að setja olíu á húskyndingar í Reykjavík og nágrenni. 

Bíllinn er af gerðinni MAN TGA og er keyptur af Krafti ehf., tankurinn kemur frá HMK BILKON í Danmörku, búnaðurinn frá G.Hannessyni en þjónustusvið Olíudreifingar sá um ísetningu búnaðar og lagna. Þetta er fyrsti nýi bíllinn sem er tekin í notkun árinu en áætlað er að tveir svipaðir bílar verði afhentir fram að áramótum.

Bíllinn er með 26 tonna heildarþyngd, þremur öxlum og þar af tveimur drifhásingum. Bíllinn er útbúin með 480 hestafla samrása vél, vökvabremsu á gírkassa og tölvuskiptingu.

Tankurinn er 22.000 lítrar í þremur aðskyldum hólfum. Nokkuð er af nýjum búnaði í bílnum t.d. er hann útbúin með aðskyldum lestunarstútum fyrir hvert hólf en samtengjanlegri afgreiðslurás með einum mæli og dælu auk drenbúnaðar til að skipta á milli eldnseytistegunda. Ekki er hefðbundinn stimpilhaus á mælinum heldur púlsari sem tengdur er við tölvu sem prentar út afgreiðsluseðil inn í bílstjórahúsinu.