Sölu og þjónustusvið

Meginverkefni eru sala búnaðar og þjónusta við afgreiðslustöðvar og viðskiptavini móðurfélaganna og dreifingarsvið Olíudreifingar, í hönnun, uppbyggingu, eftirliti og viðhaldi sérhæfðs búnaðar til geymslu, meðhöndlunar og afgreiðslu eldsneytis.

Um Olíudreifingu

Meginstarfsemi Olíudreifingar er dreifing og birgðahald á fljótandi eldsneyti og þjónusta við olíubirgðastöðvar og bensínstöðvar.

Móttaka pantana

PantanirOlíudreifing annast dreifingu á fljótandi eldsneyti fyrir N1 hf (upplýsingar hér) og Olíuverslun Íslands hf. (upplýsingar hér)

Árni Jón starfsaldursviðurkenningÁ síðustu árshátíð Olíudreifingar var Árni Jón Baldursson heiðraður fyrir 50 ára starf fyrir Olíudreifingu og eigendur hennar.

Árni Jón hóf störf hjá BP í olíustöðinni í Laugarnesi í  maí 1960 þá aðeins 15 ára gamall og vann því fyrstu árin sem byssugutti á olíubílum sem voru að mestu í þvi að setja olíu á húskyndingar í Reykjavík og nágrenni. 

 Til gamans og til samanburðar við daginn í dag má nefna að bílakosturinn sem Árni var á í byrjun var t.d. Ford 42 og upp í Volvo 54.  Flutningsgetan var frá 2.900 ltr upp í 7.300 ltr.  Tæknin hafði ekki haldið innreið sína eins og sést á því að slöngur voru snúnar inn  á höndum og ekki þótti verra að hafa stein við hjólin til að þurfa ekki að treysta á handbremsuna.  Vinnuföt voru ekki lögð til af vinnuveitanda á þessum árum fyrir utan að menn báru kaskeiti merktu viðkomandi félagi.

18 ára gamall hóf Árni að keyra olíubíla og þá til húskyndinga.  Árni var unglegur þá eins og nú og oft báðu húsmæður hann um að skila til bílstjórans að gjarnan mætti „fylla tankinn væni minn“.

Vorið 1967 tók Árni við dreifingu í Árnessýslu og síðar einnig í V-Skaftafellssýslu.  Á þessum árum var olíukynding nær allsstaðar og unnið var fullan vinnudag 6 daga vikunnar.  Í framhaldinu tók Árni við rekstri og uppbyggingu umboðs Olís á þessu svæði og skilaði því af sér sem einu stærsta umboði þeirra á landinu.  Ferðir Árna voru margar eða á 10. þúsund á Hellisheiðina og oft á tíðum við erfiðar aðstæður.  Ferðir sem þessar voru oft tafsamar og var dæmi um að ferð yfir heiðina tæki 15 klst.  Síðustu árin sinnti Árni akstri á eigin bíl samkv. samkomulagi við Olís.

Að öllum þessum akstri loknum starfaði Árni í söludeild Olís og í lokin ók hann flutningabíl með vörur út um land.  Árni kom til Olíudreifingar strax við stofnun og hefur starfað sem vaktstjóri á dreifingarskrifstofu félagsins í Örfirisey.

Það eru því rétt um 53 ár síðan Árni hóf störf í Laugarnesi og að teknu tilliti til þeirra þriggja ára sem hann fór til annarra starfa eru að baki 50 farsæl ár í starfi fyrir, BP, Olís og ODR.  Einnig er rétt að nefna að Árni fær mjög lofsverð ummæli hjá þeim fjölmörgu viðskiptavinum sem í hann hringja daglega og ber það þjónustulund hans gott vitni.   

Viðgerðaþjónusta | 550 9955

Neyðarnúmer: 552 6900

Svarað er í Neyðarnúmer 552 6900 allan sólarhringinn. Securitas sér um símsvörun og kemur boðum áfram til Öryggisnefndar ODR.

Við erum staðsett hér

Hafðu samband